"Qarabağ"dan möhtəşəm qələbə - Rəqib darmadağın edildi

Bu gün Avrokuboklardakı yeganə təmsilçimiz "Qarabağ" play-off mərhələsində Moldovanın "Şerif" klubunu qəbul edib.

AzNews.az xəbər verir ki, Ağdam təmsilçisi Bakıda "Tofiq Bəhrəmov adına stadion"da keçirilən qarşılaşmada "Şerif"i 3:0 hesabı ilə darmadağın edib.

Bu qələbə də klubumuzu Avroliqanın qrup mərhələsinə daşıyıb.

Görüşdə qolları komandamızın heyətində Maksim Medvedyev, Donald Gerriye və Filip Ozobiç vurub. Onlar müvafiq olaraq 9,42 və 55-ci dəqiqələrdə fərqlənə biliblər.