AFFA-dan Türkiyə Futbol Federasiyasının müraciətinə cavab

Artıq məlum olduğu kimi Türkiyə Futbol Federasiyası avqustun 11 – də Türkiyə superkuboku çərçivəsində "Qalatasaray" "Fənərbaxça" arasında oynanılacaq oyunun Bakıda keçirilməsinə dair müraciət məktubu yollayıb.

AFFA-nın İnformasiya və İctimayətlə Əlaqələr Departamentinin rəhbəri Mikayıl Nərimanoğlu "Qafqazinfo"ya verdiyi açıqlamada bildirib ki, bu cür mötəbər oyunlara ev sahibliyi etmək AFFA üçün problem yaratmır :

"AFFA iyun ayının 3-də Türkiyə Futbol Federasiyasına öz rəsmi cavabını verəcək. Hazırda bəzi texniki məsələlər var ki, onların üzərində işlər gedir. Ancaq ümumilikdə götürsək, onu deyə bilərəm ki, bizim belə oyunlara ev sahibliyi etməyimiz üçün əlimizdə həm kifayət qədər şərait, həm də təcrübəmiz var. Çünki biz 17 yaşlı qızlar arasında keçirilən dünya çempionatı kimi bir turnirə ev sahibliyi etmiş bir ölkəyik.
"Qalatasaray" və "Fənərbaxça" derbisini də heç bir problem olmadan qəbul edə bilərik".

AzNews.az