“Qalatasaray”ın rəqibi bilindi

Bu gün İsveçrənin Nyon şəhərində UEFA Çempionlar Liqasının 1/8 final mərhələsinin püşkatma mərasimi keçirilib.


Püşkatma nəticəsində bütün komandaların rəqibləri məlum olub.

Reqlamentə əsasən, qrup mərhələsinin qalibləri ikinci pillənin sahibləri ilə qarşılaşacaqlar. Bu mərhələdə eyni ölkənin təmsilçiləri və eyni qrupda çıxış edən komandalar bir-biri ilə görüşməyəcək.

Qeyd edək ki, 1/8 finalın ilk oyunları 18-19 və 25-26 fevral, cavab görüşləri isə 11-12 və 18-19 mart tarixlərində keçiriləcək.

Püşkatmanın nəticəsi:

"Mançester Siti" (İngiltərə) - "Barselona" (İspaniya)
"Olimpiakos" (Yunanıstan) - "Mançester Yunayted" (İngiltərə)
"Milan" (İtaliya) - "Atletiko" (Madrid, İspaniya)
"Bayer" (Leverkuzen, Almaniya) - PSJ (Fransa)
"Qalatasaray" (Türkiyə) - "Çelsi" (İngiltərə)
"Şalke" (Almaniya) - "Real" (Madrid, İspaniya)
"Zenit" (Rusiya) - "Borussiya" (Dortmund, Almaniya)
"Arsenal" (İngiltərə) - "Bavariya" (Almaniya)

AzNews.az