“Bakı-2015”: Sinxron üzgüçülük - Yaddaqalan məqamlar

Bakı 2015-də sinxron üzgüçülük üzrə yarışların nəticələrinin ümumi icmalı:


Bakı 2015 Avropa Oyunları çərçivəsində sinxron üzgüçülük üzrə yarışlara elə oyunların ilk günündən start verildi. Oyunların açılış günündə ilk idman sessiyası məhz sinxron üzgüçülük üzrə baş tutdu.

AzNews.az xəbər verir ki, Bakı Su İdmanı Mərkəzində 12-16 İyun tarixlərində davam edən sinxron üzgüçülük üzrə yarışlar həm vizual gözəlliyi, baxımlılığı, həm də tamaşaçılara yaşatdığı həyəcanlı anlar baxımından çox zəngin oldu.

Bakı 2015-də sinxron üzgüçülük üzrə yarışlarla bağlı bəzi məlumatlarla tanış olun:

İştirakçıların sayı – Sinxron üzgüçülük yarışlarında Avropanın ən yaxşı150 qadın idmançısı iştirak edib.

Medallar - Bakı 2015-də sinxron üzgüçülük üzrə dörd kateqoriyada medallar təqdim olunub: solo, duet, komanda və sərbəst kombinasiya.

Komanda yarışında səkkiz idmançı; sərbəst kombinasiyada on idmançı olub.

TİTULLU İDMANÇILAR

Rusiyadan Anisiya Neborako - gənclər arasında ikiqat dünya çempionu və gənclər arasında üçqat Avropa qızıl medalçısıdır. 2014-cü ildə Helsinkidə gənclər arasında "solo çempion" titulunu qazanıb.

Valeriya Kulenkova / Dariya Kulaqina cütlüyü – Helsinkidə yeniyetmələr arasında dünya çempionatının medalçısıdırlar.

MARAQLI MƏQAMLARI

Avstriya komandası Bakı 2015-ə beş əkiz bacılarla təşrif buyub. Belə ki, komandanın üç üzvü - Anna-Mariya, Eirini-Marina və Vasiliki-Paqona Aleksandrilər üçəm əkizlərdir. Onların hər biri sinxron üzgüçülüklə məşğul olur və Bakıda müxtəlif kateqoriyalar üzrə çıxış ediblər. Hətta Anna-Mariya və Eirini-Marina cütlüyü gümüş medal da qazanıb. Qızlar biri isə fərdi yarışın üçüncüsü olub.

Avstriya komandasının tərkibindəki Rafaela və Verena Breyt bacıları da əkizlərdir. Onların çıxışı kifayət qədər xal toplamasa da, onlar bir-biriləri ilə həmahəng hərəkət edirlər.

REKORD

*Rusiya komandası Bakı 2015-də sinxron üzgüçülük üzrə dörd mümkün qızıl medaldan dördünü də əldə etdi. Ümumiyyətlə, rus üzgüçüləri 2000-ci ildən etibarən keçirilən sinxron üzgüçülük yarışlarında təklif olunan hər bir Olimpiya qızıl medalının sahibi olublar.

*Sinxron üzgüçülük proqramının qeyd-şərtsiz ulduzu olan Anisiya Neborako Bakı 2015-də üç qızıl medal ala bilib. 18 yaşlı üzgüçü nadir artistlik qabiliyyəti nümayiş etdirərək fərdi, komanda və sərbəst kombinasiya növləri üzrə mükafatları topladı.

QALİBLƏRİN SİYAHISI

Fərdi yarışlar:

Anisiya Neborako (Rusiya) – qızıl
Berta Ferreras Sanz (İspaniya) – gümüş
Anna-Mariya Aleksandri (Avstriya) - bürünc

Duetlər:

Valeriya Kulenkova / Dariya Kulaqina (Rusiya) – qızıl
Anna-Mariya Aleksandri / Eirini-Marina Aleksandri (Avstriya) – gümüş
Yelizaveta Yaxno / Yana Nariejna (Ukrayna) – bürünc

Komanda yarışı:

Rusiya - qızıl
İspaniya- gümüş
Ukrayna- bürünc

Sərbəst birləşmə:

Rusiya - qızıl
İspaniya- gümüş
Ukrayna- bürünc