«Simurq» çempion ola biləcəkmi?

Bu gün Topaz Premyer Liqasında mübarizə yarıya çatacaq. AzNews.az xəbər verir ki, XI turda qalan 4 oyundan sonra ilk dövrənin çempionu müəyyənləşəcək. Ekvator xəttinə yüksək ovqatla "Simurq" komandası daxil ola bilər. Əlbəttə, Zaqatala təmsilçisi Bakıda "Neftçi" ilə ən azı heç-heçə edərsə.

İddialılardan ilk "altılığ"dan kənar qalmış "Xəzər Lənkəran" və "Qəbələ" hesabat turunda qalib gəlməzsə, vəziyyətlərini bir qədər də çətinləşdirəcəklər.

Baş məşqçi Əfqan Talıbovun "Turan"ın mükanı arxasına keçəndən sonra, Tovuz klubu qələbələri sıralayır. 3 gün öncə "Neftçi"yə ağır zərbə vuran "Rəvan" növbəti uğur axtarışındadır.

Qeyd edək ki, bu gün keçiriləcək bütün görüşlər saat 15:00-da başlayacaq.

"Sumqayıt" – "Xəzər Lənkəran"
"Neftçi" – "Simurq"
"Turan" – "Rəvan"
"Qarabağ" – "Qəbələ"

Kamran Hacı
AzNews.az