«Rabitə» İtaliya klubunu üstələdi

Bu gün qadın voleybolçular arasında Avropa Çempionlar Liqasının qrup mərhələsində 2-ci tur başa çatıb. AzNews.az xəbər verir ki, ölkə çempionu "Rabitə" paytaxtda İtaliyanın "Asistel Villa Kortese" klubu ilə görüşüb. Bakılılar güclü rəqibə qarşı gözəl oyun göstəriblər.

"Dördlər finalı"nın son iştirakçısı ev sahibələrinin hücumları önündə aciz qalıb. Nəticədə, "Sərhədçi" Olimpiya-İdman Kompleksini məğlub tərk edib – 1:3 (15:25, 25:22, 21:25, 22:25).

"B" qrupunda 6 xala malik "rabitəçilər" liderdirlər. Onları izləyən "Asistel Villa Kortese" və "Atom"un (Polşa) 3 xalı var.

Qeyd edək ki, dünən təmsilçilərimizdən "Azərreyl" eyni yarışda "Əczaçıbaşı"ya (Türkiyə) 1:3 uduzub; "Lokomotiv" doğma divarlar arasında Moskva "Dinamo"sunu 3:0 üstələyib.

Kamran Hacı
AzNews.az