- İşin içi
- 9 Mart 20:20
- 1 988
Bakıdan Naxçıvana birbaşa uçuşlar bərpa edilib - CƏDVƏL
Bu gün saat 18:00-da Bakıdan havaya qalxan sərnişin təyyarəsi Naxçıvana eniş edib.
Aznews.az xəbər verir ki, bununla da hava limanında uçuşlar yenidən həyata keçirilməyə başlayıb.
Azərbaycan Hava Yolları (AZAL) 9 mart 2026-cı il tarixindən etibarən Bakıdan Naxçıvan istiqamətində birbaşa uçuşları bərpa edir.
Bu barədə AZAL-ın mətbuat xidmətindən məlumat verilib.
AZAL-ın 9 mart 2026-cı il tarixinə Bakı-Naxçıvan-Bakı marşrutu üzrə planlaşdırılmış uçuş cədvəli:
|
Reys |
Bakıdan qalxma |
Naxçıvandan qalxma |
|
J2 2251 / 2252 |
18:00 |
20:00 |
|
J2 2253 / 2254 |
19:00 |
21:00 |
|
J2 2255 / 2256 |
20:00 |
22:00 |
|
J2 2257 / 2258 |
21:00 |
23:00 |
Qeyd edilib ki, 10 mart 2026-cı il tarixindən etibarən Naxçıvan istiqamətində uçuşlar ştat rejimdə (ənənəvi qaydada) həyata keçirilməyə davam edəcək.
"AZAL mövcud vəziyyəti diqqətlə izləməyə davam edir və reyslərin təhlükəsizliyinin təmin edilməsi üçün bütün lazımi tədbirləri görür. Sərnişinlər uçuş cədvəlindəki dəyişikliklər barədə operativ şəkildə məlumatlandırılacaqlar", - AZAL-dan bildirilib.
Qeyd edək ki, 5 mart tarixində Azərbaycan Respublikasının Naxçıvan Muxtar Respublikasına İran İslam Respublikasının ərazisindən mülki infrastruktur hədəf alınmaqla pilotsuz uçuş aparatları ilə hücumları səbəbilə Bakı-Naxçıvan-Bakı marşrutu üzrə planlaşdırılan bütün reyslər ləğv olunmuşdu.
