EBRD Azərbaycanda ÜDM artımı ilə bağlı proqnozunu yüksəltdi

Avropa Yenidənqurma və İnkişaf Bankı (European Bank for Reconstruction and Development, EBRD) bu il Azərbaycanda ÜDM-in 2,5% artacağını proqnozlaşdırır.

"APA-Economics" xəbər verir ki, bu barədə EBRD-nin "Regional Economic Prospects" adlı hesabatında deyilir.

Bu, Azərbaycanda iqtisadi artımla bağlı AYİB-in əvvəlki proqnozundan 0,5% çoxdur. Belə ki, ötən ilin noyabr ayında EBRD 2018-ci ildə Azərbaycanda ÜDM-in 2% artacağını proqnozlaşdırıb.

EBRD-nin proqnozuna əsasən, 2019-cu ildə Azərbaycanda ÜDM 3,5%, 2020-ci ildə isə 0,5% artacaq.

"Neft hasilatının sabitləşməsi fonunda Azərbaycanda mütəmadi olaraq iqtisadi artımın olacağı gözlənilir", - deyə hesabatda vurğulanıb.

AzNews.az