İran beynəlxalq təşkilata şikayət etdi

İMO Assambleyasından bu məsələləri müzakirə etmək xahiş olunub.

İran Beynəlxalq Dəniz Təşkilatını (İnternational Maritime Organization) ABŞ-ın ticarət gəmilərini də əhatə edən sanksiyalarının qanuni olub-olmamasını araşdırmağa çağırıb.

İranın Böyük Britaniyadakı səfiri Həmid Bəyədinejad tərəfindən qərargahı Londonda yerləşən İMO-nun sədri adına müvafiq rəsmi məktub gəlib.

Səfir “Twitter”də yazıb ki, məktubda sözügedən sanksiyaların gəmiçiliyə dair beynəlxalq razılaşmaları pozduğu, dəniz nəqliyyatının təhlükəsizliyinə təhdid yaratdığı qeyd olunaraq İMO Assambleyasından xüsusi qaydada bu məsələləri müzakirə etmək xahiş olunub.(report.az)

AzNews.az