Tbilisidə etiraz aksiyası yenidən başlayıb

Sayca 24-cü olan aksiyanın tələbi dəyişməz qalır

İyulun 13-də Gürcüstanın paytaxtı Tbilisidə parlamentin binası qarşısında aksiya yenidən bərpa olunub.

Sayca 24-cü olan aksiyanın tələbi dəyişməz qalır. Onlar Daxili İşlər naziri Giorgi Qaxarianın istefasını tələb edirlər.

Təşkilatçılar DİN rəhbəri istefa verənə qədər dinc aksiyanı davam etdirəcəklərini bildiriblər.

Məlumat üçün qeyd edək ki, eyni tələblə parlamentin binası önündə quraşdırılmış çadırlarda bir neçə gənc 20 günə yaxındır aclıq aksiyası keçirir. Bu gün onlardan ikisinin səhhətində problem yaranıb. Hər iki gənc xəstəxanaya yerləşdirilib.(AZƏRTAC)

AzNews.az