Lavrovun İrəvana rəsmi səfəri noyabrın 11-dək davam edəcək Lavrovun İrəvana rəsmi səfəri noyabrın 11-dək davam edəcək

Sergey Lavrov İrəvana getdi

Lavrovun İrəvana rəsmi səfəri noyabrın 11-dək davam edəcək

Rusiyanın xarici işlər naziri Sergey Lavrov Ermənistana rəsmi səfər edib.

“RİA Novosti”yə istinadən xəbər verilir ki, rusiyalı nazirin İrəvana səfər proqramı erməni həmkarı Zohrab Mnatsakanyanla birlikdə Böyük Vətən Müharibəsi üzərində qələbənin 75 illiyinə həsr olunmuş sərginin açılışında iştirakı ilə başlayır. Tədbir Ermənistan Milli Qalereyasında keçiriləcək.

Bundan əvvəl Rusiya Xarici İşlər Nazirliyinin xəbər verdiyi kimi, Lavrovun İrəvana rəsmi səfəri noyabrın 11-dək davam edəcək. Ermənistanda olduğu müddətdə onun baş nazir Nikol Paşinyan və prezident Armen Sarkisyanla görüşləri, həmçinin Mnatsakanyanla danışıqları nəzərdə tutulur.

İkitərəfli əməkdaşlığın, EAEU, KTMT və MDB arasında xarici siyasət sahəsində əməkdaşlıq, BMT, ATƏT, Avropa Şurası, QDİƏT və digər beynəlxalq forumlarda mövqelərin əlaqələndirilməsi məsələlərinin hərtərəfli müzakirəsi planlaşdırılır. (APA)

AzNews.az