Avtomobil qaçıran şəxs tutuldu

Aprelin 5-nə keçən gecə Xəzər rayonunun Binə qəsəbəsindən qəsəbə sakini Nadir Ağayevə məxsus “VAZ-2107” markalı avtomobil qaçırılıb.

AZNEWS.AZ xəbər verir ki, bu haqda məlumatı Daxili İşlər Nazirliyinin mətbuat xidməti yayıb.

Avtomobil həmin gün Keşlə qəsəbəsi ərazisində hərəkətdə olarkən DİN-in Təhlükəsiz Şəhər Xidmətinin əməkdaşları tərəfindən aşkar edilib və görülən tədbirlər nəticəsində hadisəni törədən Bakı şəhər sakini Sənan Şirinov tutulub.

Xəzər RPİ tərəfindən araşdırma aparılır.