Bu dəfə də Kərim “avtoş”luq etdi - Sürət 210+Video

Sosial şəbəkələrdə və mətbuatda sükan arxasına keçəndən sonra hər şeyi unudub sürət həddini aşan məmur və oliqarx balaları haqda dəfələrlə məlumatlar görmüşük.

Onlar maşını yüksək sürətlə idarə edir, yollarda "avtoş"luq edir, digər insanların həyatına təhlükə yaradırlar. Bu hərəkətlərini də əks etdirən görüntüləri lentə alıb sosial şəbəkələrdə paylaşırlar.

AzNews.az Virtualaz.org saytına istinadən xəbər verir ki, daha bir belə video yayılıb. Sürət həddini aşan, "avtoş"luq edən bu dəfə məmur və ya oliqarx balası deyil, qazancı toyxanalardan çıxan müğənnilərdən biridir.

Sosial şəbəkələrdə müğənni Kərim Abbasovun avtomobilini yüksək sürətlə idarə etməsini əks etdirən görüntü yayılıb. Müğənni avtomobilini saatda 210 km sürətlə idarə edir. Hələ bu da azmış kimi müğənni deyir: "Ulduz oldun belədir. 200-lə getmək lazımdır".

Müğənni "ulduz" olduğu üçün saatda 200-lə gedir. Amma bilmir ki, bu sürət həddini aşmaq qəti şəkildə qadağandır. Bu sürət ya bu "ulduz"un özünü, ya da həmin yolda hərəkət edən digər şəxslərin "ulduzunu söndürə" bilər...



AzNews.az