Böyük Britaniyada sevgililər üçün super qərar

Böyük Britaniyada günün istənilən saatında nikah bağlanmasına icazə verən qanun qəbul edildi. AzNews.az xarici KİV-lərə istinadən xəbər verir ki, yeni qanun oktyabrın 1-dən qüvvəyə minib. Hökumət gizli evlənmələrin qarşısını almaq məqsədi ilə 1836-cı ildə qəbul edilmiş nikah mərasimlərinin gecə saatlarında baş tutmasını qadağa edən qanunu yenidən nəzərdən keçirib.

Qanuna edilən düzəlişlərin evlənmək istəyən şəxslərə daha çox seçim azadlığı bəxş edəcəyi güman edilir. Kilsələr və digər dini təşkilatlar nikah bağlanma mərasimini ənənəvi cədvəl üzrə - səhər saat 8-dən axşam 6-ya kimi həyata keçirmək hüququnu özlərində saxlayacaqlar.

İngiltərənin şimal-qərbindəki Blekpul şəhərində yerləşən və turistlər tərəfindən çox sevilən məşhur Eyfel qülləsinə bənzər "Blekpul qülləsi" artıq günün istənilən saatında sevən cütlüklərin evlənə biləcəyi ilk məkanlardan biri olacaq.

Ədil
AzNews.az