Siam əkizlərini ayırdılar

Londonda qeyri-adi cərrahiyyə əməliyyatı həyata keçirilib. AzNews.az-ın qərb mətbuatına istinadən verdiyi xəbərə görə, Ancel Formos adlı siam əkizlərini cərrahiyyə yolu ilə çətinliklə də olsa ayırıblar. Əməliyyat zamanı həkimlərin üzləşdiyi ən böyük çətinlik onların bağırsaqlarının bir olması olub. Bununla belə, Londonlu cərrahlar qarşılarına qoyduqları məqsədə çata biliblər.

Qeyd edək ki, siam əkizlərinin ayrılması çox çətin və məsuliyyətli cərrahiyə əməliyyatı hesab edilir. Belə ki, əksər hallarda əməliyyat zamanı əkizlərdən biri və ya hər ikisi həyatını itirir.

Sadiq Musa
AzNews.az