Mehriban xanımdan nümunə götürsünlər - Müsavat Partiyasının başqan müavini

"Mehriban xanım Əliyevanın Əbülfəz Elçibəyin və Ayaz Mütəllibovun həyat yoldaşlarının mərasimləri ilə bağlı göstərdiyi diqqət təqdirəlayiqdir"

"Digər məmurlar da Mehriban xanımdan nümunə götürsünlər".

Bu sözləri özünün feysbuk hesabında tanınmış vəkil, Müsavat Partiyası başqanının müavini Osman Kazımov yazıb.

O.Kazımovun paylaşımını olduğu kimi təqdim edirik:

"Mehriban xanım Əliyevanın Əbülfəz Elçibəyin və Ayaz Mütəllibovun həyat yoldaşlarının mərasimləri ilə bağlı göstərdiyi diqqət təqdirəlayiqdir. Alqışlayıram. Bu cəmiyyətdə olan gərginliyin səngiməsinə təkan verər. Yetər ki, digər məmurlar da Mehriban xanımdan nümunə götürsünlər. Sabah Azad Həsənovun məhkəməsidir. Xərçəng xəstəsi olan atasını görmək üçün Litvadan gələn Azad Həsənovun cibinə narkotik vasitə ataraq həbsə alıblar. Artıq 9 aydır ki, Azad həbsdə saxlanılır". (Demokrat.az)

Xatırladaq ki, Osman Kazımov sonradan bu statusu silib. Görəsən niyə? Bəlkə təmsil etdiyi partiya rəhbərliyi ona təzyiq gostərib?

AzNews.az