Bu barədə Milli Məclisin mətbuat xidmətindən məlumat verilib Bu barədə Milli Məclisin mətbuat xidmətindən məlumat verilib

Sahibə Qafarova Rusiyaya səfər edib

Bu barədə Milli Məclisin mətbuat xidmətindən məlumat verilib

Sentyabrin 21-də Azərbaycan Respublikası Milli Məclisinin Sədri Sahibə Qafarovanın başçılıq etdiyi parlament nümayəndə heyəti Rusiya Federasiyasına rəsmi səfər edib.

Bu barədə AzNews.az-a Milli Məclisin mətbuat xidmətindən məlumat verilib.

Bildirilib ki, bu, Sahibə Qafarovanın Milli Məclisin Sədri kimi Rusiyaya ilk rəsmi səfəridir. Nümayəndə heyətinin tərkibinə Milli Məclisin komitə sədri Səməd Seyidov, Rusiya ilə parlamentlərarası əlaqələr üzrə işçi qrupunun rəhbəri Nizami Səfərov, deputatlardan Eldar Quliyev, Mixail Zabelin, Əminə Ağazadə, Tural Gəncəliyev, parlament Aparatının rəhbəri Səfa Mirzəyev, Milli Məclisin beynəlxalq şöbəsinin müdiri İlkin Məmmədov və digər rəsmi şəxslər daxildir.

Moskva şəhərinin “Domodedovo” hava limanında Milli Məclisin nümayəndə heyətini Rusiya Federasiyası Federal Məclisi Federasiya Şurasının sədr müavini İlyas Umaxanov, Azərbaycanın Rusiyadakı səfiri Polad Bülbüloğlu və digər rəsmi şəxslər qarşılayıb. Sabah Parlamentin Sədri Sahibə xanım Qafarova səfər proqramına uyğun rəsmi görüşlərə başlayacaq.