Əsgər H1N1 virusundan öldü - Gürcüstanda

Qoridə hərbi hospitalda müalicə alan əsgər H1N1 virusundan ölüb.

AzNews.az-ın APA-ya istinadən məlumatına görə, Gürcüstan Müdafiə Nazirliyindən bildiriblər ki, ölən əsgərin 38 yaşı olub.

Həmin şəxs bir neçə gün hərbi hospitalda qripdən müalicə olunub. Onun 4 yaşlı övladı qalıb. Hazırda Qori hospitalında 12 əsgər müalicə olunur, onların vəziyyəti qənaətbəxşdir.

Qeyd edək ki, indiyədək Gürcüstanda H1N1 virusundan 9 nəfər dünyasını dəyişib.