Ərdoğan ordu və kəşfiyyatı öz tabeçiliyinə keçirir

Türkiyə prezidenti Rəcəb Rayyip Ərdoğan ölkənin Silahlı Qüvvələrinin Baş Qərargahını və Milli kəşfiyyat idarəsini dövlət başçısının tabeçiliyinə verilməsini təklif edib.

Bu barədə cümə axşamı, iyulun 28-də, Reuters nəşri xəbər verir.

Hazırda hər iki qurum Türkiyə baş nazirinin tabeçiliyindədir. Ərdoğanın təşəbbüsü konstitusiyaya dəyişikliklər tələb edir. Dəyişiklikləri ölkə parlamenti (Böyük Millət Məclisi) və müxalifət partiyalarının nümayəndələri təsdiq etməlidirlər.

Qeyd edək ki, təklif Türkiyə Ali Hərbi Şurasını iclasında səsləndirilib.


Oxu.Az