Azərbaycanlıları qətlə yetirən erməni həbs olundu

Rusiyada 18 nəfərin ölümündə təqsirli bilinən 46 yaşlı Ermənistan vətəndaşı Qraçi Artunyan Qarabağda azərbaycanlıların qətlində iştirak edib.

"Qafqazinfo"nun Ermənistan mətbuatına istinadən verdiyi məlumata görə, yol qəzasında təqsirli bilinən erməni qatilin qızı Lilit Arutyunyan "Facebook" səhifəsində atasının Dağlıq Qarabağda döyüşdüyünü yazaraq onun azad edilməsinin vacibliyini vurğulayıb: "Xahiş edirəm atama lağ etməzdən əvvəl arxivə baxın. Siz orada 90-cı illərdə Qarabağda könüllü şəkildə vuruşmağa gedən və sizin kimi qalındərili insanların dincliyini qoruyan Qraçi Arutyunyanın keçmişi haqqında məlumatlar tapacaqsınız".

L.Arutyunyan eyni zamanda, erməni prezident Serj Sarkisyana da səslənib: "Cənab prezident, sənin qarşında hakimiyyət tərəfindən təhqirlərə məruz qalan, səni əllərinin içində saxlayan biri- millətin müdafiəçisi dayanıb. Bu, biabırçılıqdır, sənin üzündür!".

Xatırladaq ki, iyulun 13-də Podolsk şəhəri yaxınlığında baş vermiş yol qəzasında Qraçinin idarə etdiyi "KamAZ"ın avtobusla toqquşması nəticəsində o, iki hissəyə ayrılıb. Qəza nəticəsində biri körpə olmaqla 18 nəfər həlak olub. Təxminən 60 nəfər yaralanıb.

AzNews.az