Misirin müdafiə naziri əhalini küçə aksiyalarına çağırdı

Misirin müdafiə naziri, baş nazirin birinci müavini Əbdül-Fəttah əl-Sisi ölkə vətəndaşlarını iyulun 26-da "terrorçuluğa qarşı etiraz etmək" üçün küçələrə çıxmağa səsləyib. Bu barədə APA BBC News-a istinadən məlumat verir.

Onun sözlərinə görə, ordu və polis "terrorçuluq və zorakılığa qarşı" geniş xalq kütlələrinin dəstəyinə ehtiyac duyur. General eyni zamanda zorakılığın istənilən formasına qarşı çıxdığını və xalqın birliyinə nail olmaq istədiyini vurğulayıb.

Nazir həmçinin keçmiş prezident Məhəmməd Mursini bütün misirlilərin prezidenti olmağa çağırdığını, lakin çağırışlarının eşidilmədiyini bildirib.

AzNews.az