- Köhnə - Region
- 6 Avqust 2013 14:05
- 2 937
İki ölkənin polisləri azərbaycanlını axtarışa verdi - Foto
APA-nın Rusiya bürosunun məlumatına görə, hüquq-mühafizə orqanlarının axtarışa verdiyi şəxs 1968-ci il təvəllüdlü Sabirabad sakini Əsgərov Sahib Yusif oğludur. O, avqustun 4-də Ukraynanın Xarkov vilayətində, "at bazarı" adlanan ərazidə 21 yaşı həmyerlisinə bıçaqla ürək nahiyəsindən çoxsaylı xəsarətlər yetirərək onu öldürüb və hadisə yerindən qaçıb.
Hüquq-mühafizə orqanlarının araşdırmaları nəticəsində məlum olub ki, qətlə yetirilən 21 yaşlı azərbaycanlı Xarkova öz qohumlarının yanına qonaq gəlib. Araşdırmalar nəticəsində o da bəlli olub ki, Əsgərov Sahib Yusif oğlu Rusiya Daxili İşlər Nazirliyi tərəfindən axtarılırmış.
Faktla bağlı Ukrayna Cinayət Məcəlləsinin 115-ci (qəsdən adamöldürmə) maddəsi ilə cinayəşt işi açılıb, araşdırma aparılır.
AzNews.az