Pulu olmayanı Rusiyaya buraxmayacaqlar

Sankt-Peterburqun yerli qanunverici orqanının deputatları Dövlət Dumasına qanun layihəsi təqdim edib. Lent.az-ın «BBC»-yə istinadən məlumatına görə, həmin layihəyə əsasən, Rusiyaya vizasız gələn əcnəbilərin üzərində azı 36 min rubl olmalıdır. Bu Rusiyadakı aylıq yaşayış minimumunun 6 qatına uyğun götürülüb. Hazırda Federasiyada aylıq yaşayış minimumu 6131 rubldur. Peterburqlu deputatların ideyasına əsasən, ölkəyə gələn əcnəbilər sərhədi keçərkən sənədlə yanaşı üzərində bu məbləğin olması haqda sənəd təqdim etməlidir.