Türkiyədən öz vətəndaşlarına ÇAĞIRIŞ

Türkiyə öz vətəndaşlarını Liviyaya səfər etməkdən çəkinməyə çağırıb. Bu barədə Trend çərşənbə axşamı Türkiyə XİN-in saytında yerləşdirilmiş məlumata istinadən xəbər verir.

Məlumatda qeyd olunur ki, son vaxtlar Liviyada terrorçuların hücumlarının və adam oğurluqlarının sayı artıb.
Bundan əlavə, Ankara Liviyada olan Türkiyə vətəndaşlarını sayıq olmağa çağırıb.

Bir az əvvəl xəbər verilmişdi ki, Türkiyə Liviyanın Benqazi şəhərində yerləşən konsulluğunu şəhərdəki qeyri-sabit vəziyyətlə əlaqədar bağlayıb.

AzNews.az