Jurnalistlər Donetskdə ölümdən döndülər - VİDEO

Rusiyanın “Rossiya 24” telekanalının jurnalistləri Donetsk şəhərinin mərkəzində ölümlə üz-üzə qalıblar.

AzNews.az xəbər verir ki, bu haqda məlumatı telekanalın jurnalisti Vitali Arutyunyan yayıb. Onun sözlərinə görə, telekanalın əməkdaşları avtobus dayanacağına düşən mərminin doğruluğunu yoxlamaq məqsədilə o əraziyə yollanarkən mərmi yağışına tuş gəliblər: "Bizdən savayı ərazidə digər telekanalların əməkdaşları da var idi. Özümüzü qorumaq üçün təhlükəsiz yerə getdik".

Qeyd edək ki, bu gün Donetsk şəhərində avtobus dayanacağına düşən mərmi bir mülki vətəndaşın həyatına son qoyub. 6 nəfər isə yaralanıb.