Müxalifət kütləvi mitinqlərə başlayır

"Ata Jurt" fraksiyasından olan deputat Kamçıbek Taşıyevi dəstəkləmək məqsədilə insanlar Qırğızıstanın Jalalabad şəhərinin mərkəzi meydanına mitinqə toplaşırlar. Trend-in məlumata görə, bu barədə şəhərin vilayət administrasiyasının mətbuat katibi Jalil Saparov KirTAQ agentliyinə məlumat verib.

Onun sözlərinə görə, artıq təxminən 500 nəfər toplaşıb. Onların əksəriyyəti gənclərdir. Mitinq hələ başlamayıb. Yaxın rayonlardan da insanların gələcəyi gözlənilir. Toplaşanlar məhkəmənin qərarını gözləyəcəklər.

Xatırladaq ki, oktyabrın 3-də paytaxt Bişkəkdə keçirilən kütləvi qarşıdurmalar zamanı "Ata Jurt" fraksiyasından olan deputatlar Sadır Japarov, Kamçıbek Taşıyev və Talant Mamıtov saxlanılıblar.

AzNews.az