Azərbaycan “Junior Eurovision”a hazırlaşır

Dekabr ayının 1-də Niderlandın paytaxtı Amsterdamda keçiriləcək "Junior Eurovision" mahnı müsabiqəsində iştirak etmək üçün Azərbaycan təmsilçisinin seçiminə başlanılıb. AzNews.az-ın məlumatına görə, "Eurovision" müsabiqəsinin Azərbaycan nümayəndə heyəti ilkin dinləmələrdə azyaşlı istedadlar arasından 12 nəfər seçiblər.

Peşəkar münsiflər heyəti tərəfindən bu uşaqlar arasından 5 nəfərə növbəti turda özünü sınamaq şansı verilib. Final yarışmasına hazırlaşan 5 nəfər müxtəlif dildə və üslubda mahnılarla münsiflər heyəti qarşısında çıxış edəcəklər. Azərbaycanı təmsil etmək uğurda yarışa qatılan bu azyaşlılar 2 oktyabrda İctimai Televiziyanın "Yeni Gün" proqramında ictimaiyyətə təqdim olunacaq.

Fuad Mədətov
AzNews.az