Rusiya və Almaniya XİN rəhbərləri Qarabağı müzakirə etdilər

Rusiya xarici işlər naziri Sergey Lavrov və Almaniya XİN rəhbəri Frank-Valter Ştaynmayer telefon danışığı zamanı Dağlıq Qarabağ münaqişəsinin nizamlanması prosesinin pespektivlərini, eləcə də Minsk razılaşmalarının yerinə yetirilməsi üzrə "Normand formatı"nda işi müzakirə ediblər.

Bu barədə Rusiyanın xarici siyasət idarəsinin məlumatında deyilir.

Məlumatda qeyd olunur: "Ukrayna böhranının aradan qaldırılması yolları üzrə Minsk razılaşmalarının yerinə yetirilməsi ilə bağlı "Normand formatı"nda işə, eləcə də almaniyalı nazirin ATƏT-in sədri kimi Yerevana və Bakıya səfərlərinin yekunları nəzərə alınmaqla Dağlıq Qarabağ münaqişəsinin nizamlanması prosesinin perspektivlərinə xüsusi diqqət ayrılıb".

Trend.az