Nazirlər razılaşdılar

ATƏT-in Minsk qrupunun həmsədrləri İqor Popov, Jak For və Yan Kelli, eləcə də ATƏT-in fəaliyyətdə olan sədrinin şəxsi nümayəndəsi Anji Kasprşik ötən gün Parisdə Azərbaycanın və Ermənistanın xarici işlər nazirləri Elmar Məmmədyarov və Edvard Nalbandyan ilə keçirilmiş görüşlə bağlı birgə bəyanat yayıblar.



Bəyanatda deyilir ki, nazirlərlə Dağlıq Qarabağdakı hava limanına enən və qalxan mülki təyyarələrlə bağlı məsələlər müzakirə edilib. Xarici işlər nazirləri münaqişənin sülh yolu ilə həllinə dəstək verdiklərini və danışıqları davam etdirməkdə qərarlı olduqlarını bildiriblər. Nazirlər və həmsədrlər sülh prosesi ilə bağlı növbəti müzakirələrin yaxın həftələrdə davam etdirilməsi barədə razılığa gəliblər.