- Köhnə - Siyasət
- 10 İyun 2018 18:10
- 5 086
TANAP təkcə Türkiyəni deyil, həm də Avropanı qazla təmin edəcək - Menaqarişvili (Foto)
TANAP təkcə Türkiyəni deyil, həm də Avropanı qazla təmin edəcək.
Trend-in məlumatına görə, bunu "Sputnik-Georgia"ya müsahibəsində Gürcüstanın sabiq xarici işlər naziri İrakliy Menaqarişvili deyib.
İ.Menaqarişvili bildirib: "TANAP Gürcüstan, Azərbaycan və Türkiyənin 90-cı illərin ortalarından tikdikləri dəhlizin davamıdır. TANAP təkcə Türkiyəni deyil, həm də Avropanı qazla təmin edəcək. Ona görə böyük enerji dəhlizi layihəsinin bu mərhələsi bütün iştirakçılar, o cümlədən Gürcüstan üçün, sözsüz ki xüsusi əhəmiyyətə malikdir".
Sabiq nazir vurğulayıb ki, Gürcüstan TANAP qaz kəmərinin yaradılmasında mühüm rol oynayıb: "Təbii ki, bu layihənin növbəti mərhələsinin açılışında dövlətimizin başçısı iştirak edəcək".
Xatrladaq ki, Türkiyə prezidenti Rəcəb Tayyib Ərdoğan Gürcüstanlı həmkarı Qeorqi Marqelaşvili ilə telefon danışığı zamanı onu iyunun 12-si Türkiyənin Eskişəhər şəhərində TANAP qaz kəmərinin açılışına dəvət edib.
Qeyd edək ki, iyunun 12-də Türkiyədə TANAP layihəsinin açılışı baş tutacaq.
Mayın 29-da isə Bakıda Səngəçal terminalında "Cənub Qaz Dəhlizi"nin rəsmi açılış mərasimi olub.
AzNews.az
DİGƏR XƏBƏRLƏR
