- Köhnə - Siyasət
- 3 Sentyabr 2013 08:37
- 4 957
Rəsul Quliyev “Yeni Müsavat”ı və Cəmil Həsənlini hədəfə aldı
AzNews.az-ın məlumatına görə, bu sözləri Açıq Cəmiyyət Partiyasının lideri, eks-spiker Rəsul Quliyev deyib. O, ötən gün "Yeni Müsavat" qəzetində onun haqqında çıxan geniş məqaləyə münasibət bildirib. R.Quliyevin fikrincə, bu cür yazıların yazılma səbəbi onun Milli Şuranın vahid namizədi Cəmil Həsənlini dəstəkləməməsidir: "Mən Cəmil müəllimi vahid namizəd seçməklə səhv addım atdıqlarını demişəm və çox qısa izah etmişəm. Guya bu insanlar bu cızma qaraları ilə məni nədənsə çəkindirmək istəyirlər. Bu tipli xəbərdarlıq edirlər, yəni əgər bizim namizədin əleyhinə getsə, biz də onun əleyhinə yazılar verərik".
Eks-spiker deyib ki, C.Həsənliyə hörməti olduğu üçün vahid namizədlə bağlı fikrini deyib və kənara çəkilib: "İstəmədim ki, cığal siyasi oyuna məcburən qatılmış Cəmil müəllimin seçki qabağı əhval ruhiyyəsi pozulsun. Sözsüz ki, həmin vahid namizəd oyununun anatomiyasını bütün çılpaqlığı ilə açmaq şansım var və o analizdə hər bir şəxs özünün güzgü əksini görəcək. Kimsə fikirləşməsin ki, bəzilərinin primitiv siyasətləri və məqsədləri məlum deyil". R.Quliyev bildirib ki, əgər Cəmil müəllimə hörmətləri varsa, sakitləşsinlər: "Kimlərsə düşünür ki, hədyan yazıları cavabsız qalacaq böyük səhvə yol verirlər".
Anar
AzNews.az