- Köhnə - Siyasət
- 25 İyul 2014 12:13
- 3 793
Müsavatdan etnik kimliklə bağlı ismarış: “Başqan türk olmalıdır”
AzNews.az-ın xəbərinə görə, bunu Müsavat Partiyası başqanının müşaviri, partiya sədrliyinə iddialı Səxavət Əlisoy bildirib.
S. Əlisoy deyib ki, siyasi səriştəni və təcrübəni meyar kimi vurğulayanlar, "filankəs"in bu posta daha çox yaraşdığını iddia edənlər, "behmənkəs"in başqan olduğu təqdirdə partiyanın ağ günə çıxacağını deyənlər və siyasi koridorlarda çox şeylər danışanlar var: "Bütün bunların hamısı normaldır. Hər kəsin danışmaq, düşündüklərini izhar etmək haqqı var. Deyilənlərə birini də mən əlavə etmək istəyirəm. Müsavat Partiyası tarixi bir partiyadır və milli dəyərlərimizdən biridir. Bu partiyada çox sayda ziyalı başqan postuna layiqdir. Sadəcə, bu iddiaya düşən unutmamalıdır ki, əhalinin 90 faizindən çoxu, o cümlədən müsavatçıların da 90 faizindən çoxu Azərbaycan türkləridir. Odur ki, Müsavat Partiyasının başqanı türk oğlu türk olmalıdır və əminəm ki, belə də olacaq".
Əhməd
AzNews.az