“Seçkilər tam şəffaf şəkildə keçirilib”

“Azərbaycan Milli Məclisinə keçirilən seçkilər ölkə qanunvericiliyinə və beynəlxalq hüquq normalarına uyğun şəkildə keçirilib”.

Bu fikirləri Türkdilli Ölkələrin Parlament Assambleyasının Beynəlxalq Müşahidəçilər missiyasının rəhbəri Serjikan Kanayev bu gün keçirdiyi mətbuat konfransında bildirib.

O vurğulayıb ki, müşahidə missiyası seçkilərlə bağlı heç bir qanun pozuntusu qeydə almayıb: "Beynəlxalq müşahidəçilər üçün bütün şərait yaradılmışdı. Müşahidə zamanı qanun pozuntuları qeydə alınmayıb. Seçkilər tam şəffaf və demokratik şəkildə keçirilib".