- Köhnə - Siyasət
- 31 Oktyabr 2012 10:50
- 2 838
Hacıbala Abutalıbov yenə rədd cavabı verdi
Mitinqin əsas təşkilatçılarından olan Azərbaycan Liberal Partiyasının (ALP) sədri Əvəz Temirxan Modern.az-a açıqlamasında Bakı Meriyasının rəsmi cavabı ilə tanış olmadığını bildirərək deyib ki, yəqin ki, müraciətə "yox" deyilib. "Müraciət artıq hazırdır. Biz indi gedib onu götürəcəyik. Hesab edirəm ki, Bakı şəhər İcra Hakimiyyəti ənənəvi olaraq yox cavabı verəcək", - deyə ALP sədri bildirib.
Qeyd edək ki, 14 müxalif siyasi partiyanın daxil olduğu Demokratik Qüvvələrin Məşvərət Məclisi mitinq keçirməklə bağlı qərar verib. Mitinqin noyabrın 3-dən saat 16-dan 18-ə qədər keçirilməsi nəzərdə tutulub. DQMM-də mitinqlə bağlı Təşkilat Komitəsi yaradılıb. BŞİH-in cavabından asılı olaraq, mitinqin icazəsiz keçirilməsi də istisna edilməyib.
AzNews.az