Səhiyyə nazirinin səhhəti ilə bağlı açıqlama

“Oqtay Şirəliyev ölkədəki pandemiya ilə mübarizə işində aktiv iştirak edir"

“Səhiyyə naziri Oqtay Şirəliyevin sağlamlığında heç bir problem yoxdur və o, hazırda işinin başındadır”.

AzNews.az xəbər verir ki, bunu Səhiyyə Nazirliyinin Aparat rəhbəri Nadir Zeynalov Nazirlər Kabineti yanında Operativ Qərargahın bu gün keçirilən brifinqində deyib.

“Oqtay Şirəliyev ölkədəki pandemiya ilə mübarizə işində aktiv iştirak edir. Nazir mütəmadi şəkildə həm ictimaiyyət qarşısına çıxır, həm də televiziya verilişlərində olur. Bir sözlə, Səhiyyə Nazirliyi ilə ictimaiyyət arasında əlaqə daim mövcuddur”, - N.Zeynalov bildirib.