Polis əməkdaşları tibbi prosedurlar gözləməklə onu yaşadığı evə göndərib Polis əməkdaşları tibbi prosedurlar gözləməklə onu yaşadığı evə göndərib
  • Toplum
  • 16 Yanvar 2021 14:36
  •  3 758

Koronavirus xəstəsi olduğu halda işə çıxan şəxs saxlanılıb

Polis əməkdaşları tibbi prosedurlar gözləməklə onu yaşadığı evə göndərib

Gəncə şəhər sakini Orxan Məmmədovun koronavirus testinin nəticəsi pozitiv çıxması, özünü təcrid edərək yaşadığı evdə müalicə almalı olduğu halda şəhər ərazisində fəaliyyət göstərən avtoyuma məntəqəsinə gələrək, orada işləməsi beləliklə müştərilərlə mütəmadi təmasda olaraq onlara infeksiyaya yoluxma təhlükəsi yaradıb.

Daxili İşlər Nazirliyinin Mətbuat Xidmətinin Gəncə regional qrupundan AzNews.az-a verilən məlumata görə, polis əməkdaşları tibbi prosedurlar gözləməklə onu yaşadığı evə göndərib.

Bundan başqa ŞBPİ-nin əməkdaşları şəhər ərazisindəki stasionar postda xidmət aparan zamanı şəhər sakini Elnurə Verdiyevanın da təcrid qaydalarına riayyət etməyərək, sağalmadan yaşadığı evi tərk etməsini aşkar edib. Vətənadaşa pandemiya barədə ümumi məlumat verilərək yaşadığı evə göndərilib.

Davam etdirilən tədbirlər nəticəsində şəhər sakini Sənan Hacıyevin də yaşadığı ünvanı tərk etməsi və beləliklə “Covid-19” virusunun yayılmasına şərait yaratması aşkar edilib. Polis əməkdaşları tibbi prosedurlar gözləməklə onu yaşadığı evə göndərib.

Qeyd edək ki, koronavirus pandemiyasının qarşısının alınması məqsədi ilə aparılan tədbirlər nəticəsində Gəncə şəhərində ümumi 30 nəfərin xəstəliyə yoxluxduğu halda yaşayış yerini tərk etməsi aşkarlanıb ki, həmin şəxslər barəsində Gəncə şəhər baş Polis İdarəsinin İstintaq və Təhqiqat İdarəsində Azərbaycan Respublikasının Cinayət Məcəlləsinin 139-1. (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə canyət işi başlanıb, araşdırmalar davam etdirilir.