• Toplum
  • 15 İyul 11:21
  •  2 142

Bu il 47 mindən çox şəxsi işlə təmin edilib

ƏƏSMN məlumat yayıb

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi bu ilin 6 ayında 47,4 min işsiz və işaxtaran şəxs münasib işlərlə təmin edib.

Nazirlikdən AzNews.az-a verilən məlumata görə, onlardan 21 487-si ödənişli ictimai işlərə cəlb olunub, 167-sinin əməkhaqlarının birgə maliyyələşdirilməsi proqramı üzrə işlə təminatı həyata keçirilib.

118 işsiz və işaxtaran peşə hazırlığı kurslarına, 147 şəxs peşəyönümü məsləhəti xidmətinə cəlb olunub. 1 570 şəxsə işsizlikdən sığorta ödənişi təyin edilib, 96 peşə və kvalifikasiya standartı hazırlanaraq istifadəyə verilib.