• Toplum
  • 24 İyul 23:59
  •  1 978

Ağsuda yol qəzası olub, sürücü ağır yaralanıb

Faktla bağlı araşdırma aparılır

Ağsuda baş verən yol qəzasında minik avtomobili yoldan 30 metr kənara, biçilmiş taxıl sahəsinə düşüb, sürücü ağır xəsarət alıb.

Aznews.az xəbər verir ki, hadisə Ağsu-Padarçöl avtomabil yolunun 5-ci kilometrində, Ərəbuşağı kəndinə yaxın ərazidə olub.

Belə ki, Gəgəli kənd sakini Aqil Böyükağa oğlu Süleymanovun idarə etdiyi 36-BF-054 nömrəli “Mercedes” markalı avtomobil yoldan çıxaraq aşıb. Sürücü avtomobildən çıxarılaraq rayon mərkəzi xəstəxanasına çatdırılıb. Yaralı həkim nəzarətinə götürülüb.

Faktla bağlı araşdırma aparılır.