- Toplum
- 14 Mart 21:12
- 4 313
Professor Şirindil Alışanlı vəfat edib
Filologiya elmləri doktoru professor Şirindil Alışanlı vəfat edib.
Aznews.az xəbər verir ki, bu barədə AMEA Ədəbiyyat İnstitutundan məlumat verilib.
Şirindil Alışanlı 28 oktyabr 1952-ci ildə Laçın rayonunun Əhmədli kəndində anadan olub.
Bakı Dövlət Universitetinin Filologiya fakültəsində təhsilini bitirdikdən sonra ədəbi tənqid üzrə ixtisas kursunu tamamlayıb. 1976-1987-ci illərdə AMEA Nizami Gəncəvi adına Ədəbiyyat İnstitutunda müxtəlif vəzifələrdə çalışıb.
Həmçinin 1993-1998-ci illərdə "Elm" qəzetinin baş redaktoru, 1997-2013-cü ildə "Elm" Redaksiya, Nəşriyyat-Poliqrafiya Mərkəzinin direktoru olub.
1990-cı ildən isə "Sabah" nəşriyyatının direktoru olaraq çalışıb. 1976-cı ildən ədəbi-tənqidi məqalələri mətbuatda çap olunur.
5 kitab, 100-dən çox elmi məqalə müəllifidir.