Tunisdə baş verən avtobus qəzasında azı 20 nəfər ölüb

Hadisənin araşdırılması üçün xüsusi komissiya yaradılıb

Tunisin şimal-qərbində turist avtobusunun iştirakı ilə baş verən yol qəzasında 24 nəfər ölüb.

Bu barədə Tunis Daxili İşlər Nazirliyi məlumat yayıb.

Qeyd olunub ki, qəza nəticəsində 21 nəfər xəsarət alıb və hazırda onlar xəstəxanalara yerləşdirilib.

Xüsusi səyahət agentliyinə aid olan avtobus paytaxtdan Ayn- Drahma şəhərinə gedirmiş. Məktəblilər də daxil olmaqla avtobusda ümumilikdə 43 sərnişin olub. İlkin məlumatlara görə, Ayn-Sanussi kəndi yaxınlığında avtobus aşaraq dik yamacdan aşağı yuvarlanıb.

Tunis Daxili İşlər Nazirliyində hadisənin araşdırılması üçün xüsusi komissiya yaradılıb. (Report)

AzNews.az