Duda 51,03% səs toplayıb Duda 51,03% səs toplayıb

Andjey Duda yenidən prezident seçildi

Duda 51,03% səs toplayıb

Andjey Duda ikinci müddətə Polşanın prezidenti seçilib.

“RİA Novosti”nin yaydığı xəbərə görə, bu barədə Dövlət Seçki Komissiyasının (DSK) rəhbəri Silvestr Marçinyak mətbuat konfransında bildirib.

Polşada prezident seçkilərinin ikinci turu üzrə səsvermələr son bazar günü keçirilib.

Dövlət Seçki Komissiyası seçki komissiyaları protokollarının 100% işlənilməsi əsasında məlumat verib ki, prezident seçkilərinin ikinci turunda hakim Qanun və Ədalət partiyasından olan namizəd A.Duda 51,03% səs toplayıb. O, 48,97% səs toplayan müxalif “Vətəndaş koalisiyası” birliyinin namizədi Rafal Tşaskovskini qabaqlayıb.

DSK, həmçinin seçki bülletenlərinin 0,18%-nin müxtəlif səbəblərə görə etibarsız sayıldığını açıqlayıb.

Seçici fəallığında isə rekord göstərici qeydə alınıb – 68.18%.

AzNews.az