ÜST dünyada pandemiya ilə bağlı son vəziyyəti açıqladı

Bu barədə Ümumdünya Səhiyyə Təşkilatı (ÜST) bildirib

Dünyada COVID-19-a yoluxanların sayı 65 milyon nəfəri ötüb

AzNews.az xəbər verir ki, bu barədə Ümumdünya Səhiyyə Təşkilatı (ÜST) bildirib.

Təşkilatın məlumatına görə, dünyada koronavirusa yoluxma ilə bağlı təsdiq edilmiş halların sayı 65 007 974 təşkil edir. Qeyd edilir ki, pandemiya ərzində dünyada koronavirusdan ümumilikdə 1 507 018 insan ölüb.

Dünyada COVID-19-a yoluxma ilə bağlı təsdiq edilmiş halların sayı bir gün ərzində 403 mindən çox təşkil edib. Son sutkada daha 6 348 insan təhlükəli infeksiyadan ölüb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.