"İan" qasırğası: Kuba tam qaranlığa qərq oldu

Kubada İan qasırğası davam edir

Qasırğadan əziyyət çəkən Kubada səlahiyyətlilər əsas elektrik stansiyalarından birinin yenidən işə düşməməsi səbəbindən elektrik paylayıcı şəbəkənin tamamilə dağıldığını elan ediblər.

Qasırğa nəticəsində bütün ölkə ərazisində iki nəfərin öldüyü, binaların dağıldığı bildirilib. 3-cü kateqoriyalı qasırğa saatda 200 kilometrə yaxınlaşan küləklər yaradır və hazırda Floridaya doğru gedir.

Elektrik enerjisi idarəsinin rəhbəri Kuba dövlət televiziyası ilə elan edib ki, milli şəbəkənin dağılması səbəbindən bütün adada işıq kəsilib və 11 milyon insan qaranlığa qərq olub.

Züriyə Qarayeva