Rumıniya XİN Azərbaycanın Ukraynadakı səfirliyinin raket zərbəsinə məruz qalmasını pisləyib

Rumıniya Xarici İşlər Nazirliyi (XİN) Azərbaycanın Ukraynadakı səfirliyinin raket zərbəsinə məruz qalmasını qətiyyətlə pisləyib.

Aznews.az xəbər verir ki, bu barədə Rumıniya XİN-in “X” hesabında bildirilib.

Rumıniya XİN Azərbaycanla tam həmrəylik ifadə edərək Ukraynadakı səfirliyin raket zərbəsinə məruz qalmasını “məsuliyyətsiz hərəkət” adlandırıb, bunu Vyana Konvensiyasının kobud şəkildə pozulması kimi qiymətləndirib.

“Diplomatik nümayəndəliklərin binaları toxunulmazdır”, - qeyd olunub.