“ABŞ Rusiya ilə əməkdaşlıq etmək istəyir” - Pompeo

"Ümid edirəm ki, bu sahələr üzrə bizim Rusiyayla dialoqumuz olar".

ABŞ administrasiyası Rusiya ilə qarşılıqlı maraq doğuran sahələrdə əməkdaşlıq imkanları axtarır.

"TASS"ın verdiyi məlumata görə, bunu ABŞ dövlət katibi Mayk Pompeo Pensilvaniya ştatında jurnalistlərin suallarını cavablandırarkən deyib.

M.Pompeo bildirib: "Prezident Donald Tramp göstərdi ki, biz həmişə Rusiya ilə birgə işləyə biləcəyimiz qarşılıqlı maraq doğuran sahələr axtarırıq və axtarmışıq. Mən MKİ-nin rəhbəri olan zamanlarda biz terrorçuluğa qarşı birgə çox fəal işləyirdik".

Dövlət katibi qeyd edib ki, maraqların uyğun gəlmədiyi sahələr də var: "Mən ümid edirəm ki, bu sahələr üzrə bizim Rusiyayla dialoqumuz olar".(trend.az)

AzNews.az