• Qərb
  • 5 İyul 2019 13:57
  •  578

Londonda zibil konteynerindən məxfi sənədlər tapıldı

Müdafiə Nazirliyindən bununla bağlı araşdırma başladığını bildiriblər

Londonun şimal bölgəsində bir zibil konteynerindən Porton Daundakı Müdafiə Elmi və Texnologiya Laboratoriyasının məxfi sənədləri tapılıb.

Zibilin içindən çıxan minlərlə vərəqlik sənədlərdə şəxsi məlumatlar, mühafizə avadanlığı barədə məlumat, mərkəzin ətraflnda keşik çəkən polisin vəzifələri, hətta kompüter sistemlərinin parolu belə göstərilir. Sənədlər ötən əsrin 80-cı illərinin əvvəlindən tutmuş 2017-ci ilin sonunadək böyük zaman kəsiminə aiddir.

Böyük Britaniya Müdafiə Nazirliyindən bununla bağlı araşdırma başladığını bildiriblər.

Qeyd edək ki, Salsböri şəhərinin 18 kilometrliyində yerləşən Porton Daun Hərbi Tədqiqatlar Mərkəzi 2018-ci ilin mart ayında Rusiya hərbi kəşfiyyatının keçmiş zabiti və qızının öldürülməsində istifadə olunmuş zəhərli maddənin Rusiyada hazırlanması barədə Baş nazir Tereza Mey tərəfindən ortaya atılmış iddianı təkzib etmişdi.(report.az)

AzNews.az