Mayk Pompeo İranı qınadı

Avropa dövlətləri dəstək verməsə, təsirli olmayacaq

ABŞ Dövlət katibi Mayk Pompeo yerli televiziyalardan birinə verdiyi açıqlamasında Yaxın Şərqdəki vəziyyət, xüsusilə də İranla bağlı fikirlər səsləndirib.

“İhlas” xəbər agentliyinə istinadla xəbər verilir ki, M.Pompeo qeyd edib ki, Yaxın Şərqdəki qeyri-sabitliyin, o cümlədən Fələstin-İsrail münaqişəsinin uzun müddət yaşanmasının səbəbi İranın regionda həyata keçirdiyi siyasətlə bağlıdır.

Dövlət Katibinin sözlərinə görə, bu təhlükəni Səudiyyə Ərəbistanı, Birləşmiş Ərəb Əmirliyi, İsrail dövləti kimi, ərəb ölkələri də görürlər.

O, əlavə edib ki, ABŞ-ın İrana qarşı tətbiq etdiyi sanksiyalar Avropa dövlətləri dəstək verməsə, təsirli olmayacaq.