Finlandiya minalardan istifadəni qadağan edən Ottava Müqaviləsindən çıxır

Finlandiya Rusiyanın təhlükəsizliklə bağlı narahatlığına görə piyada əleyhinə minaların istifadəsini qadağan edən Ottava müqaviləsindən çıxmaq qərarına gəlib.

Finlandiyanın YLE xəbər agentliyinin məlumatına görə, Finlandiya parlamentində piyada əleyhinə minalardan istifadəni qadağan edən Ottava müqaviləsindən çıxmaq üçün səsvermə keçirilib.

175 deputatın iştirak etdiyi səsvermədə Ottava müqaviləsindən çıxmaq qərarı 157 “hə” və 18 “xeyr” səsi ilə təsdiqlənib.

Qərar prezident tərəfindən təsdiqlənməlidir. Finlandiya Birləşmiş Millətlər Təşkilatına (BMT) və digər iştirakçı ölkələrə qərar barədə məlumat verdikdən 6 ay sonra ehtiyat toplama və mina qoymaq hüququ qazanacaq.

Parlamentin Xarici Əlaqələr Komitəsinin hökumətin Ottava Müqaviləsindən çıxmaq təklifi ilə bağlı hazırladığı hesabatda minaların Finlandiya üçün müdafiə vasitəsi olduğu və zəifləyən təhlükəsizlik mühitində zəruri hala gəldiyi vurğulanıb.

Müdafiə naziri Antti Edvard Hakkanen sosial media hesabından paylaşım edərək səsverməyə qatılan millət vəkillərini təbrik edərək, "Mesaj aydındır: Finlandiya müdafiə qabiliyyətini gücləndirmək üçün birləşib və qərarlıdır" deyib.

Finlandiya prezidenti Alexander Stubb Finlandiyanın "təcavüzkar və imperialist dövlət" kimi xarakterizə etdiyi Rusiya ilə qonşu olduğunu əsas gətirərək bu müqavilədən çıxmağı müdafiə etmişdi.

Mövsüm

Aznews.az