Almaniyada qatar relsdən çıxıb: ölən və yaralananlar var

Almaniyanın Baden-Vürtemberq federal əyalətində Deutsche Bahn-a məxsus regional qatarın iki vaqonunun relsdən çıxması nəticəsində 3 nəfər ölüb, 50-yə yaxın adam yaralanıb.

Bild qəzetinin verdiyi məlumata görə, onlardan 25-ə yaxını ağır yaralanıb.

Qəza bazar günü, iyulun 27-də, saat 18:10 radələrində Riedlingen şəhəri yaxınlığında baş verib. Siqmaringendən Ulma gedən qatarda 100-ə yaxın insan olub.

Həlak olan üç nəfərdən ikisi Deutsche Bahn dəmir yolu şirkətinin işçisidir, onlardan biri qatar maşinistidir.

Mövsüm,

AzNews.az