"Qarabağ" Çempionlar Liqasına əlvida dedi

Çempionlar Liqasına gedən yolda Ağdam təmsilçisinin qarşısını "BATE" alıb.

AzNews.az xəbər verir ki, bu gün Çempionlar Liqasında 3-cü təsnifat mərhələsi çərçivəsində "Qarabağ" klubu Belarus "BATE"si ilə qarşılaşıb.

Borisov şəhərində keçirilmiş oyun 1:1 hesabı ilə başa çatıb.

Görüşdə hesabı ev sahibləri açıblar. Borisovluların heyətində 20-ci dəqiqədə Mirko İvaniç vurub.

Matçda təmsilçimizin yeganə qolunu isə Mitçel vurub. O, 54-cü dəqiqədə fərqlənə bilib.

Bakıdakı oyunun nəticəsi ilə birgə, ümumi hesab 2:1 olub ki, bu nəticə də "BATE"ni Çempionlar liqasına bir addım da yaxınlaşdırıb.

Play-off mərhələsində Minsk klubunun rəqibi Hollandiyanın "PSV" klubu olacaq.